කවි රසය හඳුනන අයටයි!

අද විශේෂ දවසක් 12.12.12.
මේ වගේ දවසක් එන්නේ ජීවිතේටම එක වතාවයි.
ඒනිසා මේ විශේෂ දවසේ ඔයාලට අපූරු ලිපියක් ලියන්නට මම අදහස් කලා.

කවිය කියන්නේ හරිම පුදුමාකාර දෙයක්. කවිය වෙලාවකට තේරුමක් තියෙන දෙයක් වෙන්නත් පුලුවන්, එහෙම නොවෙන්නත් පුලුවන්. එකම එක පුංචිම පුංචි කවියකට බොහොම පොඩි වෙලාවකින් ගොඩක් දේවල් කියන්න පුලුවන්. සමහර කවි හරිම ලස්සනයි, අමුතුයි. අන්න එහෙම කවි ලියන අපූරු කවියෙක් (?) මට මෑතකදී හමුවුනා. ඔහු නමින් ඉන්දික ගුණවර්ධන. සමහරු නම් දන්නවත් ඇති මෙයා ගැන. ඔන්න එහෙම නම් මෙයාගේ කවි කොහොමද කියලා ඔයාලම බලන්නකෝ.

සින්ඩරෙල්ලා

ජීවිතේ
නොසිතූ මොහොතක
රෑ දොළහෙ කනිසම වැදුණාම
බලාපොරොත්තුවේ සපත්තුව
හද ළඟ තියාන
බලා හිටියා
කල්පයක් විතර

දකිමින්
සොඳුරු
සිහින
ඔබ එතැයි
අද
නැත්නම්
හෙට

ඔබ මෙහේ එනකොට
සපත්තුව
පොඩි වැඩියි
මට

කවිවලට කැමති ඔයාලටත් ඉන්දික කවියාට (?) එකතු වෙන්න පුලුවන්. ඒ facebook එකෙන්.
එහෙම නම් කැමති අය මෙන්න මෙතනින් යන්න. තව බ්ලොග් එකකුත් තියෙනවා. ඒකට මෙතනින් යන්න.
මෙන්න ඉන්දික කවියගේ (?) තවත් කවි පෙලක්.

උතුරු මිතුරු

පණ වගේ
ආදරෙයි කිව්වට
ගහට

ගහ
කැමතිවෙයිද
පොරවට?

හොඳ දේවල් කොහොමත් අගය කරන්න ඕනනේ. අන්න ඒක නිසා තමයි මම මේ ලිපිය දැම්මේ.
එහෙනම් කොහොමද කියලා බලලා හොඳ නරක කියන්න.
ඔයාලට සුභ දවසක්!

ඕනම doc එකක් pdf කරගන්න හොඳම ක්‍රමය

ඉතින් කොහොමද යාලුවන්ට? ඔන්න ඉතින් අද මම ඔයගොල්ලන්ට කියන්න හදන්නේ ටිකක් පරණ දෙයක්. පරණ දේ වුනත් වටිනවනේ. “Old is Gold” කියල කියමනක් තියෙනවනේ. 

ඔයාලා ගාව office 2007 පැකේජය තියෙනවද? අන්න එහෙම නම් ඔයාලටත් මේ ප්‍රශ්නය තියෙන්න ඇති. 

2007 office පැකේජයෙන් කරගන්න doc එකක් අපිට pdf එකක් විදියට save කරගන්න දෙන්නෙ නැහැ. දැන් ඉතින් මෙහෙම කිව්වට කට්ටියට ගොඩක් ක්‍රම ඇතිනේ pdf කරගන්න. ඒත් අපිට ඒ වැඩේ 2007 office පැකේජයෙන්ම කරගන්න පුලුවන් නම් ගොඩක් හොඳයි නේද?

එහෙම නම් මෙන්න මේ පුංචි software එක මෙතනින් බාගන්න. මේක microsoft ආයතනයෙන් තමයි දෙන්නේ. ඒකත් නොමිලේම.

ඔන්න ඉතින් ඔයාල download කරගත්ත පුංචි software එක සාමාන්‍යයෙන් setup එකක් install කරන විදියට install කරගන්න. දැන් ඉතින් වැඩේ හරි. 

ප්‍රශ්නයක් එහෙම ආවොත් කියන්න.
ඔයාලට සුභ දවසක්!

Slinkachu පුංචි කලාකරුවා.

අද මම ඔයගොල්ලන්ට කියන්න යන්නේ එක්තරා නිර්මාණශීලී පුද්ගලයෙක් ගැනයි. මෙයාගේ නම තමයි Slinkachu. කියන්න නම් ටිකක් අමාරුයි නේද? හැබැයි මෙයා කරන වැඩ නම් බොහොම අපූරුයි.
ඉතින් බලන්නකෝ මෙයා කරපු වැඩ කොහොමද කියලා.

කොහොමද පින්තූර ටික හොඳයි නේද?
දැන් මෙයා සඟරාවල පිටකවරවලට විවිධ වෙබ් අඩවිවලට වගේ ගොඩක් දේවල්වලට තමාගේ දායකත්වය දෙනවා. මේ පින්තූර දිහා බැලුවම ඔයාලට හිතෙන්නේ මොනවද කියලා අදහසක් එහෙම දුන්නට කමක් නෑ.
වැඩි විස්තර එහෙම දැනගන්න මෙයාගෙ සයිට් එකට මෙන්න මෙතනින් යන්න.

Slinkachu

ඔයාලත් මේ වගේ දේවල් දන්නවා නම් අන්න ඒකට ඉඩ ලබාදෙන්න අමුතු වැඩට කැමති අපි සූදානම්. 
කැමතිනම් comment එකක් මගින් ඔයාලගේ E-mail ලිපිනය එවන්න. එතකොට ඔයාලටත් පුලුවන් මේ වගේ ලිපි අමුතු වැඩට කැමති අයට බ්ලොග් එක ඔස්සේ පළ කරන්න. ඔයාලට සුභ දවසක්!
ජය වේවා!

මෙන්න නියම මැජික් එකක්!

මම මීට පෙර ලිපියේ කිව්වනේ මැජික් කියන්නේ මොනවගේ දෙයක්ද කියලා. මෙන්න තවත් ඒ වගේ වැඩක්. මේක නම් අලුත් වැඩක් නෙමේ. ටිකක් පරණයි. එහෙමනම් ඔයාලත් මේක බලලම ඉන්නකෝ.

 

කොහොමද වැඩේ. නියමයිනේ. 

නිර්මාණශීලී හැකියාව (creative) ඇඟේ තියෙනව නම් මීට වැඩිය දේවල් කරන්න පුලුවන් කියල තමයි මගේ අදහස. මම හිතන්නේ අපේ රටේ මෙහෙම හිතන අය ඕන තරම් ඉන්නවා කියලයි. 

යාලුවො මොකද හිතන්නේ මම කිව්ව දේ ගැන?

ඔන්න ඉතින් කරල බලල අදහසක් එහෙම කිව්වට කමක් නෑ. එහෙනම් යාලුවන්ට සුභ දවසක්.

පොඩි මැජික් එකක් කරල බලමුද?

ඉතින් කොහොමද යාලුවනේ. මම අද ඔයගොල්ලන්ට කියන්න යන්නේ තවත් එක්තරා අමුතු වැඩක්.
යාලුවො දන්නව නේද මැජික්. හරියටම මැජික් කියල කියන්නේ අපේ ඇස අපිව රවට්ටනවා වගේ දෙයක්. තවත් විදිහකින් කිව්වොත් මැජික් කියන්නේ දෘෂ්ටි මායාවක්. වැඩි කතා ඕන නෑ. ඔයගොල්ලො මේක බලලම හිතල බලන්නකො.

කොහොමද වැඩේ? නියමයි නේද? ඔයගොල්ලොත් උත්සාහ කරල බලන්න මේ වැඩේ කරන්න පුලුවන්ද කියලා. එහෙමනම් යාලුවන්ට සුභ දවසක්!

ඔයාලත් මෙහෙම හිතන කෙනෙක්ද?

කෙනෙක් අමුතු විදියට හිතලා කරන දේවල් නව නිපැයුම් කියලා කියනවා මම හිතන විදියට. එහෙනම් බලන්න මේ video එකත් ඒ වගේ දෙයක්ද කියලා. 

බලන්න මෙයා හිතල තියෙන විදිය.
කොහොමද ඔයාලටත් මේ විදියේ අපූරු දේවල් කරන්න පුලුවන්ද?
එහෙනම් එන්න අපිත් එක්ක එකතු වෙන්න.
ඔයගොල්ලොත් මේ විදියේ දේවල් කරන කියන කෙනෙක් නම් අනිවාර්යයෙන්ම අපිටත් ඒවා කියන්න.
නැත්නම් ඔයගොල්ලො දන්න මේ විදියෙ වැඩ කරන අය ඉන්නවා නම් අපිට හඳුන්වලා දෙන්න.
මොකද අපි දන්න දෙයක් නොදන්න කෙනකුට කියල දෙන එක කොයිතරම් දෙයක්ද!
එහෙනම් ඔයගොල්ලන්ට සුභ දවසක්!

අපේ පරිගණකයේ වේගය වැඩිකරගමුද?

සාමාන්‍යයෙන් win 7 වල කරදරයක් නැතුව වැඩ කරගන්න නම් අඩුම තරමින් Ram එක 1GB වත් තියෙන්න ඕනෑ. මොකද 512MB වගේ Ram එකක් තිබුණොත් ඉතිං වැඩ කරනවාට වඩා වැඩි වෙලාවක් බලාගෙන ඉන්න සිද්ධ වෙයි.
ඉතිං මෙහෙම බලාගෙන ඉන්නවට වඩා අපේ com 1 speed එක ටිකක් හරි වැඩි කරගන්න පුලුවන් වුනොත් හොඳයි නේද?
අන්න ඒ නිසා තමයි මේ ක්‍රමය ඔයගොල්ලන්ට අත්හදා බලන්න කියල කියන්නේ.

මේකට කියන්නේ Ready Boost තාක්ෂණය කියලයි.
මේකෙන් කරන්නේ අපේ Ram මතකය තවත් වැඩි කිරීමක් කිව්වොත් හරි. හැබැයි ඉතිං මේ වැඩේ කරගන්න අපිට pen එකක් නම් උවමනා වෙනවා. දැන් 2GB pen එකක් වුනත් ගොඩාක් අඩුවට අපිට වෙළඳපොලෙන් මිලදී ගන්න පුලුවන්. ඒක Ram එකක් ගන්නවා වෙනුවට ලොකු ලාභදායී දෙයක්නෙ. නැත්නම් ඉතිං අද කාලේ Ram එකක් ගන්නවා කියන්නේ කී දාහක් වියදම් වෙන වැඩක්ද?

හරි...  හරි... දැන් ඉතිං අපි වැඩේට බහිමු.

මුලින්ම ඔයගොල්ලෝ pen එක com එකට connect කරලා run වුනාම pen එක උඩ right click කරන්න. ඊට පස්සේ properties වලට යන්න. එතැනින් Ready Boost tab එක තෝරන්න. එතකොට එනවා මෙහෙම එකක්. ඔය පහත දාලා තියෙන පින්තූරේ වගේ එකක්.

පැහැදිලිව පේන්නේ නැත්නම් පින්තූරය උඩ click කරන්න.

ඒකේ option 3 ක් තියෙනවා. ඒකෙන්,

Dedicate this device to ready boost කියන එක නැත්නම් Use this device කියන එක තෝරන්න.

දැන් ඔයාලට අවශ්‍ය ප්‍රමාණයට මතකය සකසාගන්න පුලුවන්. ඊට පස්සේ වෙන්නේ ඔයාලා දුන්න මතකයයි com එකේ ram මතකයයි එකිනෙකට share වෙන එකයි.

මම නම් මේ ක්‍රමේ අත්හදා බලලා සාර්ථක වුන නිසයි ඔයාලට කියන්න හිතුවේ.
එහෙනම් ඉතිං දැන්ම ඔයාලත් ඔයාලාගේ com එක Boost කරගන්න ගොඩාක් අඩුවට සහ බොහොම පහසුවෙන්.

ඔයාලට සුභ දවසක්!

2007 ඔෆිස් පැකේජයේ doc 2003 ඔෆිස් පැකේජයෙන් බය නැතුව open කරමුද?

ඉතින් කොහොමද යාළුවනේ. හුඟ දවසකට පස්සේ තමයි බ්ලොගය පැත්තට ආවේ. මොකද මේ දවස්වල ටිකක් කාර්යබහුලයි. 

අද මම ඔයගොල්ලන්ට දෙන්න යන්නේ ගොඩක් ප්‍රයෝජනවත් ඒ වගේම සරල soft 1ක්. soft 1ක් කිව්වට මේක tool 1ක්. 

සමහරු නම් මේ ගැන දන්නවත් ඇති. මයික්‍රොසොෆ්ට් සමාගමෙන් තමයි මේක දෙන්නේ. දැන් ඉතින් මයික්‍රොසොෆ්ට් සමාගමෙන් කිව්වම ඔයගොල්ලො හිතයි මේක මිලදී ගන්න ඕන 1ක්ද කියලා. 

ඇත්තටම මයික්‍රොසොෆ්ට් සමාගමෙන් මේ සරල tool එක දෙන්නේ නොමිලේ. සාමාන්‍යයෙන් මයික්‍රොසොෆ්ට් සමාගමේ 2007 දී හදපු ඔෆිස් පැකේජයෙන් කළ ඩොකියුමන්ට්, 2003 දී හදපු ඔෆිස් පැකේජයෙන් open කරන්න බැහැ. open කළත් වචන, රූප සටහන් වගේ දේවල් වෙනස් වෙන්න පුලුවන්. ඉතින් අපි ලඟ 2003 ඔෆිස් පැකේජය තියෙනවනම් 2007 ඔෆිස් පැකේජයෙන් කළ doc බය නැතුව open කරන්න පුලුවන් මේ tool එකෙන්. මේ tool එකෙන් කරන්නේ අපිට අවශ්‍ය doc එක ඊට අඩු version 1කට convert වීමයි. තව දෙයක් තමයි 2010 ඔෆිස් පැකේජයෙන් කළ doc වුනත් මේකෙන් කිසිම ප්‍රශ්නයක් නැතුව open කරගන්න පුලුවන්.

කාලයක් මටත් මේක ප්‍රශ්නයක් වෙලා තිබුණේ. අපි විතරක් දැන ගත්තට මදිනේ. දන්නැති අයටත් මේක කියන්න ඕනේ කියලා හිතුන නිසා තමයි මම මේ ගැන ඔයාලට කිව්වේ. හා... හා... කතා ඇති. ඔයාලත් මේක බාගෙන install කරලම බලන්නකෝ කොහොමද කියලා. එහෙනම් මෙන්න මෙතනින් බාගන්න. ඔයාලට මේක install කරද්දී මොකක් හරි ප්‍රශ්නයක් ආවොත් අහන්න. ඔයාලට සුභ දවසක්!

කතා කරන einstein ගිරවා

සුභ දවසක් යාළුවනේ...
ඉතින් අද මම ඔයගොල්ලන්ට කියන්න හදන්නේ එක්තරා ගිරවෙක් ගැන.

උගේ නම තමයි අයින්ස්ටයින්. අයින්ස්ටයින් කියන්නේ ඇල්බට් අයින්ස්ටයින්ගේ නෑයෙක් එහෙමද කියල නම් දන්නෙ නෑ.
හැබැයි මෙයා වචන ගොඩාක් කිසිම අපහසුවකින් තොරව කතා කරනවලු. පසුගිය දවසක මෙයා තරගයකට ගිහින් කරපු දේවල් දැකලා විනිශ්චය මණ්ඩලයේ හිටපු අයත් පුදුමයෙනුත් පුදුමයට පත් වුනා. ඔන්න එහෙනම් බලාගන්නකො මෙයාගේ වැඩ කොහොමද කියලා.

මෙයා දැන් ෆේස්බුකියෙත් ඉන්නවා. ඒකට මෙතනින් යන්න.

facebook එකේ සිංහලෙන් chat කරන්න

යාළුවො දන්නවද ඉස්සර මට ඇති වෙච්ච ප්‍රශ්නයක් තමයි කොහොමද ෆේස්බුකියෙ හරි වෙනත් සයිට් 1ක හරි සිංහලෙන් type කරන්නේ කියලා. ඊට පස්සේ හොයල හොයලා අන්තිමේදී හම්බවුනා පොඩි software 1ක්. මෙන්න මේ සයිට් 1ට ගිහින් ඔයාලත් ඔයාලාගේ com 1ට ගැලපෙන software 1 බාගෙන install කරලා බලන්න.
මේ soft එකෙන්ම ඔයාලට වෙබ් අඩවිවල සිංහලෙන් ඇති දේවල් අපැහැදිලිව පෙනුනා නම් ඒකත් මඟ ඇරේවි.

මම ඔයගොල්ලන්ගේ අදහස්, යෝජනා, චෝදනා ඕනෑම දෙයක් සතුටින් බාර ගන්නවා. ඒ නිසා ප්‍රතිචාරයකුත් දීලම යන්න අමතක කරන්න එපා. මොකද ඒක මට සතුටක්!

ඇපල් අයි ෆොන් ගැන...

ඇපල් සමාගම විසින් ඉදිරියේදී හඳුන්වාදෙන නවතම දුරකතනය තමයි Apple iphone 5. 

ආකර්ශනීය පෙනුමකින් හා හැඩයේ වෙනසක්ද සමඟින් ඉදිරිපත් කරන්නට තමයි දැනට සැලසුම් කරගෙන යන්නේ.

ඉතින් මෙම අයි ෆෝනය මේ වසරේ ඔක්තෝබර් මාසයේදී නිකුත් කිරීමට නියමිතව ඇති බවයි නවතම මාධ්‍ය වාර්තාවලින් පෙනී යන්නේ. 

මේ අයි ෆෝනයට එක්කරලා තියෙන විශේෂාංග කිහිපයක් ඔයගොල්ලොත් බලන්න.

ඉතින් හොඳයි නේද අලුතින් එන අයි ෆෝනය!

මම ඔයගොල්ලන්ගේ අදහස්, යෝජනා, චෝදනා ඕනෑම දෙයක් සතුටින් බාර ගන්නවා. ඒ නිසා ප්‍රතිචාරයකුත් දීලම යන්න අමතක කරන්න එපා. මොකද ඒක මට සතුටක්!

coke බොන්නේ බලාගෙනයි!

ඉතිං කොහොමද යාළුවනේ...
අද මං ඔයගොල්ලන්ට පෙන්නන්නේ විශේෂ දෙයක්. සමහර අය නම් මේ ගැන දන්නවත් ඇති.
ඔයගොල්ලො දන්නවද coka-cola ගැන.

කියන්නත් දෙයක්ද ඉතිං හැමෝම දන්නවනේ. පොඩි ළමයා ඉඳල වැඩිහිටියා දක්වාම බොන බීම ජාතියක්නේ. හැබැයි ඔයගොල්ලො දන්නවද coke බීලා mentos කෑවොත් වෙන දේ!

දැක්කනේ....
එහෙනම් ඔයගොල්ලොත් මීට පස්සේ coke බීලා mentos කන්න කලින් දෙපාරක් හිතන්න.
මම ඔයගොල්ලන්ගේ අදහස්, යෝජනා, චෝදනා ඕනෑම දෙයක් සතුටින් බාර ගන්නවා. ඒ නිසා ප්‍රතිචාරයකුත් දීලම යන්න අමතක කරන්න එපා. මොකද ඒක මට සතුටක්!

මගේ පළමු බ්ලොග් ලිපිය...

මේක තමයි නවතම මුහුණුවරකින් සයිබර් අවකාශයට මුදා හැරුනු බ්ලොග් අඩවිය. මුලින්ම කියන්න ඕනෑ මම මේ බ්ලොග් කෙරුවාව පටන් ගත්තේ මම දන්න දෙයක් තියෙනවනම් අනිත් අයටත් ඒ දෙය කියල දෙන්නයි. ඉතින් ඒකට හොදම ක්‍රමය අන්තර්ජාලය කියලයි මට හිතුනේ. ඊට පස්සේ මම මේ විදියට කොහොමද බ්ලොග් සයිට් එකක් හදාගන්නේ? කොහොමද බ්ලොග් පෝසට් එකක් දාන්නේ? වගේ දේවල් ටිකක් දැන ගත්තා. ඔන්න ඔය අත‍රෙ මට බ්ලොග් කෙරුවාව දන්න කෙනෙක් හම්බවුනා. එයාගේ බ්ලොග් අඩවියට මෙතනින් යන්න. මම එයාට මගේ මේ බ්ලොග් ලිවීමේ අදහස කිව්වම එයා එක පයින්ම කැමති වුනා. එයා කිව්වා "ඔයා මේ වැඩේ කරන්න. මම උදව් කරන්නම් කියලා".ඔන්න ඉතින් හා හා පුරා කියල මම මගේ පළමුවෙනි බ්ලොග් පෝස්ට් එකෙන් කියන්නේ ඔයාලටත් බ්ලොග් ලිවීමේ අදහසක්, ආසාවක් තියෙනවා නම් හිත හිත ඉන්න එපා දැන් ඉඳන්ම බ්ලොග් කෙරුවාව ඉගෙන ගන්න උත්සාහ ගන්න. හිතුවොත් කරන්න බැරි දෙයක් නෑනේ. ඔයාලට ඕනෑම වෙලාවක ඕනෑම උදව්වක් මට පුළුවන් විදියට කියලා දෙන්නම්.ඔයාලට අවශ්‍ය දේ comment එකක් මඟින් දන්වන්න. මට මේ විදියට බ්ලොග් ලියන්න උදව් කරපු, උනන්දු කරපු හැමෝටම මම ස්තූතිවන්ත වෙනවා. එහෙනම් මේ බ්ලොග් අඩවියට ආපු ඔයාලට සතුට පිරි සුභ දවසක් වේවා!
මම ඔයගොල්ලන්ගේ අදහස්, යෝජනා, චෝදනා ඕනෑම දෙයක් සතුටින් බාර ගන්නවා. ඒ නිසා ප්‍රතිචාරයකුත් දීලම යන්න අමතක කරන්න එපා. මොකද ඒක මට සතුටක්!